【海外升學】英鎊美金留學彈藥 下一轉買入睇危機 - 明報升學網
2018年07月06日

中學會考文憑試(DSE 2018)放榜,家長送子女往海外留學,除了要為選校、安排住宿生活而頭痛,學費住宿等支出,動輒一年四、五十萬港元,兩年預科加三年大學,分分鐘要預留三、四百萬元。如何在外匯上趁機吸納,積少成多慳更多,專家不建議「一炮過」買入,認為心中應設定一個可接受的兌換率,一到目標價就入貨。

至於英鎊的入貨位,可留意2019年英國正式脫歐,英鎊會否再跌一跌。港元兌美元方面,目前港元仍處於弱勢,待香港加息,港元轉強後才是兌換美元時機。


林昶恆(左)稱,作為家長,籌備過兩年學費,HKIES鄧志榮(右)稱,家長兌換外幣,不建議「一炮過」買入。

親子理財教練林昶恆早前在《明報高中生升學博覽會》上,分享他為女兒往英國升學作出的財務安排心得。女兒去年讀完中五後,無應考DSE就前往英國升學,「一開始,無話平與貴,預留一至兩年的資金,唔理咩匯率。」

心中設價 到位即買

林昶恆笑言,2016年英國投票通過脫歐,他手上最平的英鎊買入價是9.4港元。「早知就買夠10年、8載,買曬佢,但你唔會。我正籌備過兩年學費,早排兌10.7、10.8,我又開始儲啲,到依家又心郁郁,因為兌10.3、10.4。每次買10萬、8萬港紙,係咁樣做法。」

「我唔知咩係平、咩係貴,係預條大數去儲。低,我固然開心,平均在11蚊以下,我都接受。」

HKIES海外國際教育服務中心升學顧問鄧志榮認同林昶恆的策略,「唔建議一炮過(買入)…量力而為,先定咗一個匯價,睇啱價就買。匯率唔會好似脫歐果陣滑落嚟。我由2001年開始做呢行,咁多年,我哋收英磅,我好留意英磅匯價…兩年前脫歐跌到8.9就唔好唸,已經過咗去,如果10蚊,10.3、10.4,我都覺得係一個非常吸引嘅價位。」


盧楚仁認為,貿易戰亦是吸納人民幣的好時機。

有危有機勿錯過

艾德證券期貨首席投資策略師盧楚仁的女兒,在英國讀了兩年預科,現在在美國讀社區學院。他表示,計劃送仔女去外國讀書,都是中長線規劃,「儲咗就唔敢郁佢…有機會有危機,應該買啲。我覺得分段(買),好像上次英國脫歐係一個機會,睇下出年脫歐真係行,會唔會驚一驚(跌一跌)…依家未買可以買啲。」

他覺得現在貿易戰亦是吸納人民幣的好時機,而美金就等香港加多幾次息後轉強,才是時機買入。

畢業搵大錢不設實際

海外留學開支龐大,鄧志榮提醒家長不要寄望太高,「好多家長話畀咁多錢個細路出外讀書,將來畢業返嚟,要搵一份非常搵錢嘅工,先至值得。我覺得呢種概念只會令自己辛苦。」

他認為,畢業證書只是佔海外留學這件事的三分之一,最重要是餘下的三分之二,培育子女的獨立能力和批判能力。有了這兩種能力,將來必定在任何崗位上大派用場。