新晉男子組合Mirror的成員呂爵安（Edan），除了能歌善舞外，近期在電視劇都能見到他的蹤影。熱衷於演藝事業的他，原來在香港大學讀資訊科技畢業，不過他直言當年揀錯科，第一個學期的編程考試已經不及格，因此提醒應屆DSE考生要按興趣選科，不要重蹈他的覆轍。
Edan在DSE考獲最佳五科25分的成績，比自己原先預計的20分好。他說當時沒有特別心儀的科目，但覺得自己的強項在溝通及演講方面，所以希望報讀商科或社工，但在聽過老師分析後卻轉軚，JUPAS首選放了港大的工商管理學學士(資訊系統)：「佢話未來大趨勢係IT，前景會好，而呢科又係business，覺得我好適合。」
Edan順利入讀JUPAS首選，但事實上他在中學並沒有讀過ICT（資訊及通訊科技課），笑言自己「機都唔識砌，只係識打機，唔好話寫app」，因此甫入讀已知道自己的選擇錯了：「啲code根本睇唔明，讀得好辛苦，每次考試都好似應付另一次DSE咁，嗰科係major又唔可以drop…」
再揀一次會讀社工
由第一次編程科考試「肥佬」，到四年後能夠如期畢業，Edan認為是奇蹟，如果有機會再揀，自己一定會選擇讀社工，因此他提醒各位考生在改選前，一定要做好資料搜集：「揀自己最喜歡嘅科目之外，亦要問讀緊呢科嘅人，例如我覺得辛苦，但有人會覺得寫program好易，你先會知個課程係點。」
回想自己當年備戰DSE，Edan表示那是他人生最勤力的一段日子，連續三個月每天在自修室由早上十時溫習至傍晚六時，而這種認真的心態，對他參加《全民造星》亦有正面作用，最終能夠組隊出道，成就自己的演藝夢：「好慶幸可以加入MIRROR，否則我應該係個銀行職員，坐Office好唔適合我…」
成績不似預期 可考慮副學位或海外升學
Edan是DSE放榜過來人，當然明白考生心情，但寄語他們就算成績不如預期般理想亦毋須介懷，因為本地有不同的升學途徑，讓學生銜接至大學學位課程，甚至可以到海外升學：「大學同學有啲重考DSE，有啲透過高級文憑或副學士銜接上來，所以唔使灰心。」
想掌握更多DSE考生的本地及海外升學資訊，家長可帶同子女在6月27及28日（星期六及日）參加「《明報》高中生升學博覽會 2020」，Edan在27日更會親臨現場分享他的讀書點滴及大學生活，為各位DSE考生打打氣！
